سلسلة { التريب :دليلك نحو متعة السفر والتجوال }

سلسلة { التريب :دليلك نحو متعة السفر والتجوال }تأليف : غالي جزولي
#الباكطاج
إلى كنتي كتخطط تريبي فالمغرب فالشلالات والبحيرات والشواطئ ، خاصك تكون مستعد مزيان ، خاصك تعرف بزااف ديال المعلومات لي غادي نحاول نتطرق ليها فهاد السلسلة لي كتكون من 10 ديال الأجزاء على الشكل التالي :

1 -شنو هو التريب ؟
2-الباكطاج
3- الحماية + التغدية
4- هوايات محببة عند التريبرز
5-فن الأطوسطوب
6 - أهم الطراجيات فالمغرب
7- كيفاش تعامل مع السكان المحليين؟
8- كيفاش تعرف الاتجاهات؟
9- كيفاش تعامل مع حالات الطوارئ ؟
10 - كيفاش دور الصرف ونتا متريبي ؟

كنا هضرنا فالجزء الأول من هاد السلسلة التعليمية على شنو هو التريب بصفة عامة وكان الكلام ديالنا فضفاض ، أما دبا غادي ندخلو للمعقول وغادي نهضرو على الباكطاج وما أدراك ما الباكطاج : مؤخرا ملي كنت راجع من واعد التريب تلاقيت مع واعد المرشد سياحي (كيد ) من أيت بوكماز شافني متقل وقالي : ممكن أخويا نعطيك واعد النصيحة قلت ليه تفضل بكل فرح ، قالي إلى خففتي الباكطاج عوض تريبي 15 سنة غادي تريبي 30 سنة ، الباكطاج الثقيل كيهلك الركابي.. من هاد النصيحة القيمة لي عطاني هاد (الكيد ) غادي نبداو الجزء الثاني من هاد السلسة التعليمية.
الباكطاج هو أهم حاجة فالتريب كلو بحيث خاصو يكون خفيف وبجودة عالية نبداو ب :

*الصاكادو :
وهنا مغاديش نهضر على الماركة أو الحجم ديال حقيبة الظهر لأن تقريبا هادشي كلشي كيعرفو وإنما غادي نهضر على المواصفات لي خاص توفر عليها حقيبة الظهر بحيث خاصها تكون مريحة للظهر وفيها بزاف ديال الجيوب وفيها فين تشد لاطانط وصاك دكوشاج وأهم حاجة تكون ماركة ممتازة ومتنساوش تاخدو معاها الباش ديالها أو " البوشيطة " لي كتحمي الحقيبة من الشتاء ولو تكونوا متربيين فالصيف رآه كتكون الرعدة بزاف خصوصاً فالمناطق الجبلية .

* لاطانط :
أما الخيمة فراه مهم بزاف تختارو النوع لي كيناسب التريب ديالكم ،الخيمة فيها بزاف ديال الأنواع والأشكال ملي تبغي تشريها خاصك تاخد هاد الأشياء بعين الاعتبار :
- واش خيمة صيفية ولا شتوية ولا بزوج
- تفداو الخيمة المعقدة فالتركيب
- الخيمة خاص تكون خفيفة الوزن ومن الأحسن ما تعداش 3 كيلو كأقصى تقدير - فحالة مثلا كانت خيمة ثنائية أو ثلاثية " وإلى كانت كيلو ونص أو 2 يكون أفضل.
- ملاحظة :الخيمة بحالها بحال الدار حرام ضيع بسباب النار ( حذاري تشعل العافية قرب الخيمة لأن شظايا النار كطير وتقدر تقوبها خصوصا أن الخيم كتكون مصاوبة من التوب ديال النيلو لي ساهل يتحرق)

* صاك دكوشاج :
مهم بزاف يكون الطول ديالو مناسب لطولكم باش تفداو البرد وراه كاينين بزاااف ديال الأنواع والأشكال وكتختالف درجة الحرارة ديالهم يعني مهم بزاف تردو البال لهاد القضية، رآه كاين ديال البرد وكاين ديال الصيف ونتوما ختارو درجة الحرارة لي كتناسب الفصل لي متريبين فيه .
* طابي دسول : أهم حاجة تكون خفيفة وفنفس الوقت تكون سميكة باش تهز عليكم البرد ديال الأرض ، وحتى هي أنواع وأشكال كاينة لي كتنفخ بالنفس وكاينة العادية ، بالحق كنصحكم بالطابي لي كتنفخ لأنها كتكون مريحة وخيفية الوزن.

* المخدة :
ممكن نتوما تصاوبوها عند الخياط وتكون صغيرة الحجم ومعمرا باللواط، وممكن تاخدو مخدات كيتنفخو بالنفس رآه كيتباعو فالمحلات المتخصصة فالماطريال ديال التريب.

* قرعة ديال الماء :
من الأفضل تكون ماركة مزيانة وتكون ديال النحاس أو الألمنيوم ماشي ديال البلاستيك وتكون عندها البلاصة مين تعلق فالصكادو ✌
كانت هادي نبذة سريعة على الأساسيات ديال الباكطاج يعني الحوايج لي مهمين بزاف وميمكنش تريبي بلا بيهم وإلا غادي تعرض نفسك للتعب والتهلكة.

موعدنا ف الجزء الثالث لي غادي نهضر فيه بالتفصيل الممل على "الحماية والتغذية "إلى ذلكم الحين تقبلوا مروري ♡

4 أشياء يجب وضعها في الاعتبار إذا قمت بالرحلات في الصيف

#معلومات_TM
#INFO_Khalid
السلام عليكم اخي النومادي اختي النومادية

4 أشياء يجب وضعها في الاعتبار
إذا قمت بالرحلات #TRIP في الصيف

الصيف ماشي هو لبحر ، ولكن هو أيضا فصل ممتاز لناس لي بغاو اديرو المشي لمسافات طويلة في الجبال إذا كنت من محبي الرحلات في الصيف وأنت واحد من الناس لي كتسنوا فصل الصيف، نظرة على هذه الأشياء البسيطة الأربعة لتتذكرها قبل متوجد الصاك نتاعك

المشي لمسافات طويلة على علو شاهق
في الطقس الجيد احسن ما يريده اي مغامر/ة ، أخيرا يمكنك المشي دون أي صعوبة خاصة في المسارات على ارتفاع 2000 متر إذا كنت تخطط لعديد من مسارات الرحلات ، فإن النصيحة تكمن في الامتياز خلال فصل الصيف على ارتفاعات أكبر ، والتي سيكون من الأصعب القيام بها في فصل الشتاء

الصيف في الجبال ... لا يدوم طويلا!
نعم ، يجب أن نضع في الاعتبار دائمًا أن الصيف في الجبال لا يدوم طويلاً ، أو على الأقل أقل بكثير من الذي اعتاد العيش في البحر. أفضل وقت للقيام بالرحلات في الصيف يكون عادة بين منتصف يونيو وأوائل أغسطس ، أي عندما يذوب الثلج عند الارتفاع وقبل أن يبدأ الطقس غير المستقر والعواصف رعدية التي عادة ما تميز شهر أغسطس وسط الجبال
لذا فإن النصيحة هي دائماً التحقق من حالة الطقس قبل كل رحلة وجلب دائماً ملابس تكون امبرميابل في حال تغير الطقس فجأة.

الشمس في الجبال "ضربت قوية"
إذا كانت النصيحة لحماية نفسك من الشمس على الشاطئ تكثر ، فعندما تذهب إلى الجبال عليك أن تكون أكثر حذراً. كما تسمع في كثير من الأحيان
حتى البقاء في الشمس دون حماية رأسك يمكن أن يكون خطيرا ، مما يؤدي إلى الدوار وخفض الضغط ، وأيضا بسبب الارتفاع ونقس التنفس . لذلك فالقاعدة الجيدة هي دائماً حماية نفسك باستخدام واقٍ من الشمس عالي الحماية ، خصوصاً الوجه والرقبة التي هي أكثر الأجزاء تعرضاً.

#trips_my_Lifestyle